په انټرنیټ کي دپښتوژبي لومړنۍ پرلیکه ادبي مشاعره

حالات ښه نه دي دلته نوره ګذاره نه کيږي
پر سينه خوب کول په ښه سړه سينه نه کيږي

چې په کې نه شي تسلي د چا رنځور لپاره
بيا خو رښتيا چې داسې زړونو کې دمه نه کيږي

د عمر ژوند دى هسې نه چې په کې ستړي نه شو
مه کوه بيړه باندې روغه فيصله نه کيږي

چرته چې ژبه،فکر دواړه وي د بل په ولکه
په داسې کلو کې زمونږ د خلکو شپه نه کيږي

حالات شو داسې چې په شته شتو کې بي برخې شولو
فهيمه ځکه مو په خپل نصيب پرده نه کيږي